每日娱乐资讯

經典回顧!發哥王菲睇到你標冷汗,城城好Young好Green!


無線每年都會舉行大型慈善節目《歡樂滿東華》,昔日八、九十年代時,節目都會有巨星助陣,使出渾身解數籌款,數星星都數到攰!

最近TVB上載咗多條東華當年嘅籌款短片,其中一條片系周潤發同李修賢齊齊游冬泳,仲有美人邱淑貞同郭秀雲著泳裝上陣,相當養眼!片中見四人噴曬白煙,可想而知有幾咁凍呀!

周潤發當年系東華常客,除咗游冬泳之外,仲試過擔水踩燈泡,認真系藝高人膽大!


除此之外,東華籌款又點少得唱歌環節!不過就唔系企定定唱咁簡單!當年王菲伸手入蜂箱唱《容易受傷的女人》,仲系Keep住優雅又好聽,個穩定性都可以話系後無來者!

另外,當年仲系一臉稚氣嘅郭富城都使出佢嘅看家本領-勁歌熱舞,唱跳特別版《對你愛不完》,為咗籌款揈到頭都甩咁滯,真系見到都暈暈哋呀!

今年無線的《歡樂滿東華》將於十二月八日舉行,唔知今年嘅表演環節會唔會同樣精采呢?


歡迎分享至朋友圈

來源: 東網

香港娛樂八卦

盡在HKChannel


喜歡這篇文章嗎?立刻分享出去讓更多人知道吧!



本站內容充實豐富,博大精深,小編精選每日熱門資訊,隨時更新,點擊「搶先收到最新資訊」瀏覽吧!





請您繼續閱讀更多來自 HKChannel 的精彩文章: